ময়ে‍ ময়ে‍

ময়ে ময়ে হৈছে এটা ইণ্টাৰনেট মেম যিটো ২০২৩ চনৰ গায়ক-গীতিকাৰ টেয়া ডোৰাৰ ছাৰ্বিয়ান গীত "ডজানুম"ৰ পৰা উদ্ভৱ হৈছিল। গীতটোৰ কোৰাছত ছাৰ্বিয়ান ভাষাত "মোজে ম'ৰ" গীতাংশৰ অৰ্থ হৈছে "মোৰ দুঃস্বপ্ন।"

উৎপত্তি

"ময়ে ময়ে"ৰ উৎপত্তি ২০২৩ চনত ছাৰ্বিয়ান গায়ক টেয়া ডোৰাৰ গীত "ডজানুম" ৰ পৰা হৈছিল। গীতটোৰ কোৰাছত ডোৰাই "মোজে ম'ৰ" গীতাংশ গাইছে যাৰ অৰ্থ ছাৰ্বিয়ান ভাষাত হ'ল "মোৰ দুঃস্বপ্ন ।" ২০২৩ চনৰ মাজভাগত টিকটক ব্যৱহাৰকাৰীসকলে গীতৰ শব্দবোৰ "মোয়ে মোয়ে" বুলি ভুলকৈ শুনি, সংগীতৰ সমৰ্থন হিচাপে কোৰাছ ব্যৱহাৰৰ কৰি ভিডিঅ' আপলোড কৰিবলৈ আৰম্ভ কৰিছিল। ইয়াৰ ফলত সামাজিক প্লেটফৰ্মত এটা ভাইৰেল মেম ট্ৰেণ্ডৰ সৃষ্টি হৈছিল য'ত ব্যৱহাৰকৰাসকলে উৎসাহী অডিঅ' ব্যৱহাৰ কৰি চুটি লিপ-চিঙ্ক আৰু নৃত্যৰ ভিডিঅ' সৃষ্টি কৰিছিল।

ইণ্টাৰনেট সংস্কৃতিত প্ৰসাৰ আৰু ব্যৱহাৰ

"ময়ে ময়ে" মিমটো টিকটকৰ বাহিৰেও ইনষ্টাগ্ৰাম, ফেচবুক, আৰু ইউটিউবৰ দৰে অন্যান্য প্লেটফৰ্মৰ যোগেদি‍ বহুতো দেশত, বিশেষকৈ বাংলাদেশ আৰু ভাৰত দৰে দক্ষিণ এছিয়াৰ দেশসমূহত দ্ৰুতগতিত বিয়পি পৰিছিল। সমগ্ৰ ছ'চিয়েল মিডিয়াত, মিমটোৰ সংস্কৰণবোৰে শ শ মিলিয়ন ভিউ হৈছে‍। ভাইৰেল জনপ্ৰিয়তাত কেইবাটাও কাৰকে অৰিহণা যোগাইছিল, তাৰ ভিতৰত আছে উদ্যমী মেজাজ, পুনৰাবৃত্তিমূলক গীত, আৰু ভাগ-বতৰা কৰিব পৰা নৃত্যৰ গতি। মূল "ডজানুম" মিউজিক ভিডিঅ'টো ছেপ্টেম্বৰ ২০২৪ লৈকে ৯৪ নিযুততকৈ অধিক দৰ্শকে উপভোগ কৰিছে‍।

মূল গীতটোত যদিও হতাশাৰ বিষয়ে কিছু শব্দ আছে, তথাপি কিন্তু মি‍মটো অধিক মৃদুভাৱে ব্যৱহাৰ কৰা হৈছিল। ভিডিঅ'সমূহত সাধাৰণ বিষয়বস্তুৰ যোগেদি‍ বিদ্ৰূপ বা অপ্ৰত্যাশিত টুইষ্টৰ জৰিয়তে হাস্যৰস অন্তৰ্ভুক্ত কৰা হৈছে‍। কৌতুকপূৰ্ণ ধৰণে দুখ প্ৰকাশ কৰিবলৈও ইয়াক জনপ্ৰিয়ভাৱে ব্যৱহাৰ কৰা হৈছে‍, যেনে কোনোবাই উপলব্ধি কৰিছে যে আন এজন ব্যক্তিয়ে শৰীৰৰ এটা অংশ হেৰুৱাইছে। গীতৰ সৰলতাৰ ফলত প্ৰায় যিকোনো ব্যক্তিয়ে মিমটো পুনৰ সৃষ্টি কৰিব পাৰে।

অভ্যৰ্থনা

বহুতো চেলিব্ৰিটিয়ে তেওঁলোকৰ নিজৰ ব্যাখ্যা ব্যৱহাৰ কৰি মিমক জনপ্ৰিয় কৰাত সহায় কৰিছিল। ইয়াৰ ভিতৰত ভাৰতীয় অভিনেতা আয়ুষ্মান খুৰানাই নিজৰ শৈলীত "ময়ে ময়ে" গোৱা আৰু দিল্লী আৰু পশ্চিমবংগৰ আৰক্ষী বিভাগৰ পথ সুৰক্ষা অভিযানৰ ভিডিঅ'ত "ময়ে ময়ে"ৰ ব্যৱহাৰ উল্লেখযোগ্য। ছাৰ্বিয়ান গায়িকা টেয়া ডোৰাই তেওঁৰ গীতটো ভাইৰেল মিম হিচাপে বিশ্বজুৰি প্ৰসাৰিত হোৱাৰ বাবে প্ৰশংসা কৰিছে।

২০২৪ চনৰ জানুৱাৰীত বি. বি. চি. বাংলাই ২০২৩ চনৰ বৰ্ষৰ মেম ৰিকেপত মেমটো অন্তৰ্ভুক্ত কৰিছিল।

সমালোচনা

সমালোচকসকলে যুক্তি দিছে যে "ময়ে ময়ে" মিম ট্ৰেণ্ডে ইয়াৰ পুনৰাবৃত্তিমূলক সূত্ৰৰ জৰিয়তে নেতিবাচক অক্ষমতাৰ ষ্টীৰিঅ'টাইপ আৰু আপত্তিজনক হাস্যৰসক স্থায়ী কৰি ৰাখে।