মৰাণ স্বায়ত্বশাসিত পৰিষদ

মৰাণ স্বায়ত্বশাসিত পৰিষদ (ইংৰাজী: Moran Autonomous Council) মৰাণ জনগোষ্ঠীৰ উন্নয়ত আৰু সুৰক্ষাৰ বাবে ২০২০ চনত গঠন কৰা অসমৰ এক স্বায়ত্বশাসিত প্ৰশাসনীয় বিভাগ বা স্বায়ত্বশাসিত পৰিষদ।

মৰাণ স্বায়ত্ত্বশাসিত পৰিষদ
স্বায়ত্ত্বশাসিত অঞ্চল
দেশ	ভাৰত
ৰাজ্য	অসম
পৰিষদ গঠন	২০২০
চৰকাৰ
• ধৰণ	স্বায়ত্ত্বশাসিত পৰিষদ
• পৰিচালনা	মৰাণ স্বায়ত্ত্বশাসিত পৰিষদ

বিৱৰণ

মৰাণসকল সাধাৰণতে তিনিচুকীয়া জিলাত বসবাস কৰা অসমৰ এক খিলঞ্জীয়া জনগোষ্ঠী। মৰাণ স্বায়ত্বশাসিত পৰিষদ বিল ২০২০খন ২৪ মাৰ্চ ২০২০ত অসম বিধানসভাত দাখিল কৰা হয় আৰু ই বিৰোধী দলসমূহৰ কোনো আপত্তি নোহোৱাকৈ ছেপ্তেম্বৰ ২০২০ত গৃহীত হয়।

প্ৰশাসন

মৰাণ স্বায়ত্বশাসিত পৰিষদৰ মুঠ সদস্য ২৫জন। ইয়াৰে ২২জন সদস্য পোনপতীয়াকৈ নিৰ্বাচিত হয় আৰু ৩জন সদস্য ৰাজ্যপালে মনোনীত কৰে।

২০২১ৰ জানুৱাৰীত চৰকাৰে ঘোষণা কৰে যে ২০২১ চনৰ অসম বিধানসভা নিৰ্বাচনৰ পূৰ্বে মৰাণ স্বায়ত্বশাসিত পৰিষদৰ নিৰ্বাচন অনুষ্ঠিত কৰা সম্ভৱ নোহোৱা বাবে এখন অন্তৰ্ৱতীকালীন পৰিষদ গঠন কৰা হ’ব।